2016年9月6日 星期二

【日本唔講你唔知】超詳盡日本整頭髮教學!! part 1

By Hiroki Hong 宏樹 / Posted on 凌晨4:05 / No comments


對不起小弟最近比較忙，所以冇時間出POST..
今日想同大家分享一下係日本整頭髮的事宜。

相信大家去過咁多次日本，有時都想心郁郁去搞下個頭，始終未試過既關係，
總係感覺日本比香港技術要高，又或者香港人比較崇日，難得去到日本點都想試一次。
係我哋去整頭髮之前，先要搞清楚日本的髮型屋係叫做「美容室」，而唔係好似香港咁叫「髮型屋」大家要分別清楚啊！

當我地想係日本整頭髮時，最大難題係唔識點同人表達想整什麼，今日同大家介紹一個非常實用既App同網站【Hot Pepper Beauty】。



依個App同網站最近係日本大受歡迎，最新一期廣告就搵咗佐佐木希同菅田將暉做CM代言人，
佢有齊日本全國的美容室(髮型屋)資料同評價，亦都可以做即時預約架！
而佢最方便就係你預約過程中，你已經可以根據所選的美容室提供既療程，而做預約，絕對減低去到時唔識表達既尷尬情況！
另外呢個APP每間美容室(髮型屋) 都會提供照片給客人參考，咁就知道邊間風格適合你啦！


佐々木希 CM ホットペッパービューティー

菅田将暉 CM ホットペッパービューティー


開始教學了！

以下係日本Hot Pepper Beauty詳細預約步驟（網站版）
請看下面：

1. 登上預約網站：http://beauty.hotpepper.jp，登記新會員

2. 輪入你既電郵地址

3. 收到HotPepperBeauty會員登錄認證電郵，按一下連結啟動帳號

4. 輸入會員資料，包括姓名、出生日期、性別及電話等等（可能有部分朋友可能會遇到一些小困難，就係唔知道日文名同電話點樣填好，唔緊要其實都係小問題...！日文姓名可以係這裡翻譯，注意括號內的不用輸入；而電話方面填酒店的電話就ok，因為系統係以電子郵件確認預約）


最後睇下免責條款同規則，冇問題就可以按同意&確認


5. 確認會員資料是否正確


6. 新會員註冊完成！可以前往預約啦！



先選擇地區，我今次擇既係關東


然後可以從不同方向去搜索你鍾意嘅美容室(髮型屋)，方法一：以地點或鐵路站名去搜索


方法二：從髮型、風格去選擇美容室(髮型屋)



這家髮型屋位於涉谷的心臟地帶，這造型也登上了人氣排行榜的第一位，但剪髮＋淨髮＋炭酸護理的價格也不到一萬円，約700港幣（未連稅），比想像中便宜呢！



有唔同嘅理髮組合可以選擇，首次光顧既客人優惠比較多呢，另外你有注意到第一項選擇係¥0嗎？我相信有好多人同我一樣，一開始知道個髮型應該點搞好，使唔使電髮？使唔使染髮？邊款好的？黎到日本想聽下日本髮型師意見，可以選第一項，到美容室(髮型屋)先跟髮型師商討要做哪一個組合，而優惠跟網上的也是一樣的。（但係並唔係每一家也有這項¥0組合，所以大家要注意一下）

選擇組合之後會跳到依個版面，會顯示你選擇既服務、價格及所需時間，真係好清楚架！


拉落去就要選擇預約的日期及時間，O是代表可以，X是不可以（個人建議選擇平日，客人會比較少，而且部分髮型屋會提供平日限定優惠）



揀選髮型師，如果沒有特定既話，可以選上面的指名なし。建議各位預約之前，詳細看看髮型師簡介，最好你挑選的髮型屋，是有能說中文或英文髮型師，溝通上黎會比較好，因為亦都有聽過有部分美容室(髮型屋)會因為言語問題而唔接受你既生意，到時候被拒絕入店會好尷尬呢....


最後確認資料正確＆預約

即時會收到電郵確認預約，有預約編號、日期、時間、地址等等（到店後請出示予店員看）


完成剪髮後，會收到一個感謝電郵，內容同時提及到如果對髮型不滿意的話，可以14天內回到店內重新修剪，費用全免，真的很有誠意呢！


溫馨提示：如果可以嘅話記住帶一張理想髮型照片比髮型師睇睇，叫佢跟住剪，減低出錯低風險）

下集同大家shear下小第親身係日本整頭既實況啦!!

HOTPEPPER 網站:

--------------------------------------------------------

 　　　　歡迎聯繫合作
　　各品牌產品試用及活動出席
   如有任何查詢，請留言或電郵聯繫。

CONTACT DETAILS

INSTAGRAM : HIROKIHONG


微博WEIBOW : 王志康HIROKIHONG

FACEBOOK : HIROKIHONGCHANNEL

0 意見:

張貼留言

訂閱： 張貼留言 (Atom)